Cerdd gan Megan Lloyd

Vintage map segment showing winding river, roads, greenery, and clouds with hand-drawn flight path annotations
Thomas Baldwin, Airopaidia (1786) — Dolen.

Ebrill

Diwrnod y ddaear, 22/04/2026

Pan mae'r awyr yn pwyso a minnau'n pwyllo, cofiaf, Ebrill a ddaw. pan mae'r dyddiau rhy hir a'r nos yn hirach, pan mae'r gwely'n fy nghadw a'r tu allan yn arw, pan mae'r cwpwrdd yn wag a'r cerdyn yn wagle, pan mae'r meddwl yn troelli a'r corff angen trochi, pan mae'r byd yn le creulon a'r geiriau ddim digon, cofiaf, Ebrill a ddaw.

Mae Megan Lloyd yn sgwennwr, hwylusydd a pherfformiwr o Eryri.

Mae ei gwaith yn ymddangos mewn sawl blodeugerdd yn cynnwys O Ffrwyth Y Gangen Hon a Trysorau’r Nadolig (Barddas) a sawl copi o Ffosfforws (Cyhoeddiadau’r Stamp). Bydd hi’n cyhoeddi ei chasgliad cyntaf o gerddi yn 2026 gyda Cyhoeddiadau’r Stamp.

Hi yw @gwaithpapur a chydlynydd prosiect ‘Gwreiddio’. Dan ei harweiniad ac arbenigwyr natur gwahanol, cafodd y cyfranogwyr gyfle i gysylltu â’r tir, meithrin eu lles drwy ysgrifennu, a dathlu’r Gymraeg mewn gofod creadigol, myfyriol a chefnogol. Roedd yn rhan o brosiect ‘Sgwennu’n Well’ wedi’i ariannu gan Lenyddiaeth Cymru.